«Kepkany qaıdan aldyń?»: Golovkınniń bir top jasóspirimdi qýantqan sáti jelide tarady
ASTANA. KAZINFORM – Áleýmettik jelide álemge tanymal qazaqstandyq boksshy Gennadıı Golovkınniń bir top balamen sóılesip turǵan sátiniń vıdeosy tarady. Boksshy balalardyń biriniń basynda GGG logotıpi bar kepkany baıqap, jymıyp «Kepkany qaıdan aldyń?» dep suraıdy.
Sol sátte Gennadıı Golovkın kólikten túsip, álgi suraqty ázildeı qaıtalap qoıady. Vıdeodan balalardyń naǵyz Golovkındi kórip, shyn kóńilmen tań qalyp, qýanǵandary baıqalady. Keıin áıgili sportshy balalarmen estelik sýretke tústi.
Álemge áıgili GGG — Gennadıı Golovkınniń laqap aty, onyń tolyq aty-jóniniń alǵashqy áripterinen (Gennady Gennadyevich Golovkin) quralǵan. Aǵylshyn tilinde «Triple G» (úsh G árpi) dep aıtylady. Bul laqap aty búginde onyń jeke brendine aınalǵan, ıaǵnı rıngke osy atpen shyǵady.
Aıta ketsek, GGG logotıpi bar sporttyq kıimderdi jıi kezdestirýge bolady. Bul belgi onyń jekpe-jeginiń jarnamasynda jáne boksshymen baılanysty ónimderde qoldanylady.
Eske salaıyq, jyl basynda Gennadıı Golovkın elordada stýdenttermen kezdesken edi.
Sondaı-aq Gennadıı Golovkın bıyl sáýirde Qatar ulttyq olımpıada komıteti basshysymen kezdesý ótkizdi.