Kepilzatty tólegen kúdiktiler birden tergeý oqshaýlaǵyshynan bosatylady - I.Merkel
ASTANA. 18 jeltoqsan. QazAqparat - Qylmystyq is júrgizý kodeksiniń jańa nusqasyna sáıkes, sotqa deıingi is júrgizý tártibin baqylaý maqsatynda «tergeý sýdıasy» laýazymyn engizý kózdelip otyr.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel málim etti.
Onyń aıtýynsha, tergeý sýdıasy prokýrorlarmen birge Qazaqstan azamattarynyń quqyqtaryn qorǵaýdy qadaǵalaıdy. «Ol úı qamaqqa otyrǵyzý, medıtsınalyq mekemege kúshpen qamaý jáne taǵy basqa sharalardyń qanshalyqty zańdy ekendigin tekseredi. Sondaı-aq, tergeý sýdıasy aýyr jáne asa aýyr qylmystardan bólek ister boıynsha kepilzattyń kólemin anyqtaı alady. Al kepilzat jasalǵan boıda tergeý oqshaýlaǵyshynyń basshysy kúdikti azamatty bosatýy shart. Ol úshin sottyń qosymsha sheshimi kerek emes», - deıdi I.Merkel. Alaıda adam ólimi, uıymdasqan qylmys jáne lańkestikke qatysy bar azamattardyń kepilzaty qabyldanbaıdy.
Bas prokýrordyń orynbasary atap kórsetkendeı, Qylmystyq jáne Qylmystyq is júrgizý kodeksteriniń jańa nusqasy 2015 jyly kúshine enýi múmkin.
