Kepilger elder men sırııalyq oppozıtsııa qandaı ymyraǵa keldi
Kepilger elder Iran, Reseı jáne Túrkııa atalǵan málimdemede Sırııa Arab Respýblıkasynyń egemendigin, táýelsizdigin birligi men terrıtorııalyq tutastyǵyn jaqtaıtyndyqtaryn atap ótken. Bul prıntsıpterdi barlyǵy ustanýy tıistigine basa nazar aýdarǵan.
«Idlıbtegi deeskalatsııa aýmaǵyndaǵy ahýal jan-jaqty qaraldy jáne 2018 jyldyń 17 qyrkúıeginde Iblıbti turaqtandyrý týraly memorandýmdy tolyqtaı oryndaýǵa daıyn ekendikterin qýattady. Osyǵan oraı soǵys is-qımyldaryn toqtatý rejimi buzylýynyń jalǵasýyna alańdaýshylyq tanytty jáne soǵys is-qımyldaryn toqtatý rejiminiń kepilger elderi retinde onyń saqtalýyn Iran-Reseı-Túrkııa birlesken úılestirýshi ortalyǵynyń jumysyn jaqsartý arqyly da qamtamasyz etý jónindegi kúsh-jigerdi kúsheıtetindikterin málimdedi. Soǵystyń toqtatylýynyń jalǵasýy mańyzdy ekendigin, bul rette terrorızmmen tıimdi kúresti jalǵastyrý qajettigin atap ótti. Sonymen qatar olar qandaı jaǵdaı bolmasyn atalǵan deeskalatsııa aımaǵyn qurý Sırııa Arab Respýblıkasynyń egemendigine, táýelsizdigine, birligi men terroıtorııalyq tutastyǵyn buzýǵa jol bermeýi tıistigin kórsetti», - dedi Qaırat Ábdirahmanov.
Munan bólek, kepilger elder IGIL, «Djabhat an-Nýsra» jáne «Al-Kaıda» nemese IGIL men baılanysy bar ózge de tulǵalardy, toptardy, kásiporyndar men uıymdardy túbegeıli joıý úshin yntymaqtastyqty jalǵastyrýǵa nıetti ekendikterin atap ótken. Sırııada hımııalyq qarýdyń qoldanylýyn túbegeıli aıyptap, osyǵan baılanysty túsken barlyq habarlama faktileri boıynsha Hımııalyq qarýǵa tyıym salý uıymy tarapynan zamanaýı ári kásibı tekserý jumystaryn júrgizý qajettigine nazar aýdartqan.
Sonymen qatar, kepilger elder Sırııa jónindegi halyqaralyq kezdesýdiń 12 raýndyn Astanada 2019 jyldyń aqpan aıynyń basynda ótkizýge ýaǵdalasqan.
