Kepilger elder Astana kelisimi belgilengen kúndi keıinge shegerdi

 ASTANA. QazAqparat - Kepilger elder Astana kelisimderiniń kezekti kezeńiniń merzimin keıinge shegerdi, dep habarlaıdy «QazAqparat» HAA tilshisi.

«Biz reseılik áriptesterimizden Astana protsesiniń kepilger elderi, naqty aıtqanda RF, Túrkııa jáne Iran Astana kelisiminiń syrtqy ister mınıstrlerin jınaǵaly jatqany týraly aqparat aldyq. Kelisim Astana qalasynda ótkizilýi múmkin»,-dedi QR syrtqy ister mınıstri Qaırat Ábdirahmanov.

Onyń aıtýynsha, kún tártibi men ótkiziletin merzim qazir naqtylaný ústinde. «Astana kelisiminiń kelesi raýndy joǵaryda atap ótilgen syrty ister mınıstrleriniń kezdesýinen keıingi ýaqytqa belgilengen. Kepilger elderdiń SІM basshylarynyń kezdesýi naýryzda ótýi kerek»,-dedi mınıstr.

Esterińize sala keteıik, osyǵan deıin Astanada ótken Sırııa málesi boıynsha kelisimde, kelesi jıyndy aǵymdaǵy jyldyń aqpanyna belgileý týraly sheshim qabyldanǵan bolatyn.