Kepilge berilgen 20 myń dollardy qaıtarmaımyn dep qaza tapty - ІІM
ASTANA. 25 maýsym. QazAqparat - Elordada 42 jastaǵy áıeldi óltirgen kúdikti qolǵa tústi.
Bul týraly QR ІІM baspasóz qyzmetinen habarlady.
«Ótken aptada Astana qalasy «Saryarqa» aýdanyna qarasty eldi mekennen birneshe pyshaq jaraqatynyń saldarynan qaza bolǵan 42 jastaǵy áıel adamnyń máıiti tabylǵan-dy. Astanalyq polıtsııa qyzmetkerleri júrgizgen jedel-izdestirý sharalarynyń nátıjesinde, atalǵan qylmysty jasaǵan kúdikti anyqtalyp, qolǵa tústi», - delingen habarlamada.
Vedomstvonyń atap ótýinshe, jaýapkershiligi shekteýli seriktestikterdiń birinde júrgizýshi bolyp isteıtin 34 jastaǵy kúdikti óz kinásin moıyndap, birneshe apta buryn gazettegi jarnamada jábirlenýshi óz páterin satatyndyǵy týraly habarlamany oqyǵandyǵyn aıtqan. Úı ıesiniń páterin satyp alýdy josparlaǵan er adam áıelge kepildik retinde 20 myń AQSh dollaryn qaldyrǵan. Alaıda, sodan keıin úı ıesi qujattardy rásimdemeı, aqshany qaıtarmaý úshin kezdespeýdiń túrli amaldaryn oılastyrǵan. Sol kúni er adam áıeldi úıiniń janynda qolǵa túsirip, máseleniń mán-jaıyn anyqtaý úshin ony qyzmettik kólikke otyrýǵa májbúrlegen. Týyndaǵan janjal nátıjesinde kúdikti áıel adamnyń basynan uryp, denesine birneshe pyshaq jaraqatyn salǵan. Óziniń kisi óltirgenin túsingen ol máıitti et kombınaty aýdanyna kóligimen aparyp, deneni shala-sharpy kómip ketken. Atalǵan fakti boıynsha qylmystyq is qozǵalyp, kúdikti qamaýǵa alyndy.
