Kepildendirilgen tegin medıtsınalyq kómek úshin aqsha talap etilgen, ne ony berýden bas tartylǵan jaǵdaıda senim telefonyna habarlasýǵa bolady
ASTANA. 20 sáýir. QazAqparat - QR Densaýlyq saqtaý mınıstrligi kepildendirilgen tegin medıtsınalyq kómek úshin aqsha talap etilgen nemese ony berýden bas tartylǵan jaǵdaıda senim telefondaryna habarlasýdy surady.
«QR Densaýlyq saqtaý mınıstrligi Qazaqstan Respýblıkasy aýmaǵyndaǵy densaýlyq saqtaý mekemelerinde memleketpen kepildendirilgen tegin medıtsınalyq kómektiń qol jetimdiligin tekserý maqsatynda josparly keshendi jumystardy bastaıdy», - delingen vedomstvonyń taratqan habarlamasynda.
Mınıstrlik ókilderi, memleketpen kepildendirilgen tegin medıtsınalyq kómek úshin aqsha talap etilgen nemese ony kórsetýden bas tartylǵan jaǵdaılarda naýqastardy oblystardaǵy, Astana men Almaty qalalaryndaǵy Densaýlyq saqtaý basqarmalary janynda qurylǵan senim telefondaryna, ne bolmasa Densaýlyq saqtaý mınıstrliginiń 8 (7172) 73-13-69 nómirine habarlasýdy surady. Sondaı-aq ótinishter men shaǵymdardy gobmp@mz.gov.kz saıtyna jazýǵa bolady.
