Kepildegi avtokólikti arzanǵa «alyp berýmen» aınalysqan almatylyq ustaldy
ALMATY. QazAqparat - Almatyda alaıaqtyq jasady degen kúdikpen áıel ustaldy, dep habarlaıdy QazAqparat tilshisi.
Áıel jalǵa alynǵan avtokólikterdi tizgindep júrip, dál sol markaly avtokólikti ekinshi deńgeıli bankten tómen baǵada satyp alýǵa ýáde bergen.
«Ustalǵan 40 jastaǵy áıel «Toıota Kamrı 55» kóligin jalǵa alyp, óziniń tanystaryn bankterde dál osyndaı kepildegi kólikti 5 mıllıon teńgege satyp alýǵa kómektesetin «tanystary» bar dep sendirgen. Al bul mashınanyń naryqtaǵy baǵasy 7 mıllıon teńgeden joǵary. Oǵan sengen adamdar 3,5-4 mıllıon teńge aldyn-ala tólemdi kepildiksiz berdi. Bul áıel buryn da osyndaı áreketi úshin isti bolǵan. Alǵan aqshasyn jeke qajetine jumsaǵan. Eshkimge kólik alyp berý oıynda bolmaǵan», – dedi Almaly aýdandyq Polıtsııa basqarmasynyń bastyǵy Esen Ysqaqov.
Ustalǵan adamǵa qatysty Qylmystyq kodekstiń 190-baby (alaıaqtyq) boıynsha sotqa deıingi tergeý amaly júrgizilip jatyr. Ol ýaqytsha ustaý ızolıatoryna qamaldy.
«Osy adamnyń qylmystyq áreketterinen zardap shekken azamattar bizge kelesi telefondar arqyly habarlasa alady: 8708-707-92-02; 8-705-771-13-71; 8-705-555-77-63», – dedi Ysqaqov.
