Kenjesarıev aýrýhanadan shyqty
ASTANA. 30 qyrkúıek. QazAqparat - Fýtboldan «Aqtóbe» komandasynyń oıynshysy Emıl Kenjesarıev aýrýhanadan shyqty., dep habarlaıdy alaman.kz saıtynan.
Emıl bir aıdan keıin Germanııaǵa baryp, kezekti operatsııasyn jasatady. Oǵan deıin týysqandarymen Almatyda bolady.
Esterińizge sala keteıik, tamyz aıynda Almatyda Emıldi soqqyǵa jyqqan bolatyn. Keıin osy iske qatysty kúdikti de ustalǵan edi.
Almaty qalalyq ishki ister basqarmasy fýtbolshy Emıl Kenjesarıevti soqqyǵa jyqqan kúdiktiniń ustalǵanyn, biraq ol óz kinásin moıyndamaı otyrǵanyn málimdegen.
Kúdiktiniń aıtýynsha, Kenjesarıev sol kúni Almatydaǵy karaoke barlardyń birinde bolyp, keıin keterde aqshasyn tóleýden bas tartqan. Jáne bardyń kúzetshisimen (kúdikti de osy jigit) baılanysyp qalǵan. Keıin kúzetshi (kúdikti) ony bardan ıterip shyǵaryp jibergen. Keıin Emıl taksı ustap ketip qalǵan. Kúdiktiniń sózin bardyń beınekamerasy da dáleldegen. Al taksısten Emıl ózin Abylaı han men Jambyl kósheleriniń qılysyna tastap ketýdi suraǵan. Al tań ata Emıl osy mańda soqqyǵa jyǵylǵan kúıi tabylǵan edi.
