«Kenjehan» bazary áli Ánıpa Nazarbaevanyń menshiginde me – Saýda mınıstriniń jaýaby

Májilistegi saýda saıasatyn damytý máselelerine arnalǵan Úkimet saǵatynan keıin BAQ ókilderiniń saýalyna jaýap bergen Saýda jáne ıntegratsııa mınıstri Arman Shaqqalıev Almatydaǵy «Kenjehan» bazarynyń ıeleri týraly pikir bildirdi, dep habarlaıdy Kazinform.

Ánıpa Nazarbaev «Kenjehan» bazarynyyń ıeleriniń quramynda áli bar ma?», - dep surady jýrnalıst.

«Bilesiz be, bizge bazardyń ıesi kim ekeninen góri saýda nysany retindegi jaǵdaıy qyzyqty. «Iesi kim», «ol qaıda», «nege» degen sııaqty súıikti suraqtar kóp. Biz ylǵı aıtamyz, ol aqparattyń bári zańdy tizbede bar. Oǵan jalpynyń qoly jetip tur. Ádilet mınıstrligine ıesi kim, qandaı ekeni týraly saýal joldaýǵa bolady. Biz úshin saýda nysanynyń qajetti deńgeıde, zańdy jumys istegeni mańyzdy. ıAǵnı, sýbektilerge emes, obektilerge, ınfraqurylymǵa, zań talaptaryn oryndarynyń oryndalýyna mán beremiz», - dedi mınıstr.