Kentýkıdegi sý tasqyny: 30 dam qaza bolyp, júzdegeni joǵalyp ketti
KENTÝKI. QazAqparat – Amerıkanyń Kentýkı shtatynda sońǵy on jylda bolǵan eń iri sý tasqysy saldarynan 30 adam qaza bolyp, júzdegeni iz-túzsiz joǵaldy, dep habarlaıdy QazAqparat VVS-ge silteme jasap.
Nóserli jaýynnan bolǵan tasqyndar ótken aptanyń ortasynda bastaldy. Kentýkıdiń jekelegen aýdandarynda bir táýlikte 20 sm astam jaýyn tústi.
Ýaıtsbýrg qalasyndaǵy Kentýkı ózeniniń deńgeıi birneshe saǵatta 6 metrge kóterildi. 12 myńnan astam úı sharýashylyǵy jaryqsyz qaldy, júzdegen úı men kásiporyn sý astynda qaldy.
Ulttyq meteorologııa qyzmetiniń aýa raıyn boljaý ortalyǵy Kentýkıdiń shyǵys jáne ortalyq bóliginde sý tasqyny qaýpi saqtalyp otyrǵanyn eskertti.
Shtat bıligi men qutqarýshylar qaza bolǵandar sany artatynyn aıtýda. Joǵalǵan adamdardy izdestirý jumystary birneshe aptaǵa sozylýy múmkin. Sebebi olardy júzdegen metrlerge aǵyn alyp ketýi múmkin.
«Bul tarıhta bolmaǵan eń dúleı ári adam shyǵyny kóp bolǵan sý tasqyny. Qutqarý jumystary júrip jatqan qazirdiń ózinde jańbyr tolastaǵan emes», - dedi shtat gýbernatory Endı Beshır «En-bı-sı» telearnasyna bergen suhbatynda.
