Kentaýlyq jastar jarysyp júrip qoqys jınady
Kentaý qalalyq «Jastar resýrstyq ortalyǵynyń» uıymdastyrýymen «Ploggıng» sporttyq sharasy ótti. Hantaǵy aýylyndaǵy taý bókterinde uıymdastyrylǵan sharada jastar jarysyp júrip qoqys jınady. Bes komandaǵa bólingen olar tabıǵat aıasynan qoqystardy terip, arnaıy kóliktermen polıgonǵa shyǵardy. Igi sharaǵa qatysqan qala ákimi Jandos Tasov belsendi jastardy merekelermen quttyqtady.
«Kún jylyp, jerdiń nári kire bastaǵan ýaqytta kópshilik tabıǵatqa shyǵyp demalady. Ózderińizben turǵan jerimiz – qalamyzdyń eń kórikti bóligi. Adamdar osy aımaqqa kóp shoǵyrlanady. Alaıda, tazalyqqa mán bermeı jatady. Kópshilikke oı salar búgingi sharamyz jalǵasyn taýyp, óz nátıjesin beredi degen senimdemin», - dedi ol.
Tazalyq sharasy aıaqtalǵannan soń, jastar sadaq atý, láńgi tebý oıyndarynan synǵa tústi. Eń belsendi, eń myqty degen top jeńimpaz atanyp, qala ákiminiń Alǵys hatymen jáne baǵaly syılyqtarmen marapattaldy.
Іs-shara Qarnaq aýylynda da jalǵasty. Eko asar aıasynda uıymdastyrylǵan sharada jastar «Yrmaq» ózeniniń jaǵalaýyn qoqystan tazartty. Asarǵa 100-den astam qarnaqtyqtar belsene qatysty.
