Kentaýlyq úsh jigit kóshedegi beınebaqylaý kameralaryn taspen uryp syndyrǵan
TÚRKІSTAN. QazAqparat – Túrkistan oblysy, Kentaý qalasynda turatyn úsh jigit kóshedegi beıne baqylaý kameralaryn taspen uryp syndyrǵan. Úsh kamerany jaramsyz kúıge túsirip, memleketke 1,5 mln teńge kóleminde shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Kentaý qalalyq polıtsııa bólimine Jańa Iqan aýylynyń ákiminen aryz kelip túsken. Onda Shymkent pen Jańa Iqan kósheleriniń qıylysynda ornalasqan ákimshiktiń qaramaǵyndaǵy 3 jana jol qozǵalysyn baqylaıtyn beınebaqylaý kameralaryn belgisiz azamattar syndyryp ketkeni kórsetilgen. Osy jáıtke qatysty izdestirý sharalaryn júrgizgen polıtseıler buzaqylyq qylmysyn jasaǵan kúdiktilerdi anyqtady. Olar úsh jergilikti turǵyn bolyp shyqty.
«Tergeý barysynda kúdiktiler qyzyq kórý maqsatynda, kameralardy taspen atyp syndyrǵandary belgili boldy. Olar óz kinálaryn tolyq moıyndap, eshqaıda ketpeý týraly qol hat alyndy. Qazirgi tańda atalǵan jaıt Kentaý QPB sotqa deıingi tergep-tekserýdiń biryńǵaı tizilimine tirkelip, QR QK-niń 202-baby «Bótenniń múlkin qasaqana joıý nemese búldirý» boıynsha qylmystyq is qozǵaldy» delingen habarlamada.
