Kentaýlyq turǵyndar jylýsyz qaldy
KENTAÝ. QazAqparat - Qys túspeı jatyp Kentaý qalasynyń turǵyndary qaıta jylýsyz qaldy. Al, qalanyń jylýǵa jaýapty mamandary bul jaǵdaı jaryqtyń sónip qalýynan bolǵan dep otyr, dep habarlaıdy QazAqparat tilshisi.
Kúni keshe qalada jaryq sónip, turǵyn úıler men ǵımarattarǵa jarty saǵattaı jylý berý toqtatylǵan. Saldarynan qubyrlarǵa muz qatyp, baspanalar sýyp ketti. Al, jekelegen úılerdiń qubyrlary shetinen jarylyp, kósheler sýǵa toldy. Jergilikti halyq qubyrlardan aqqan sýdan úılerdiń aýlalary tolyp, qabyrǵalaryna atqylap jatyr dep dabyl qaǵýda.
«Qubyrlardy aýystyrǵanyna jaqynda, bir jıyrma kúndeı boldy. Jylý kelmeıdi. Sýdy úıden ashatyn bolsaq, «fontan» shyǵady. Úıdiń endi qabyrǵalary jarylyp jatyr. Saǵat segizden beri tıisti qyzmetke zvondap jatyrmyn. Nómirińizdi jazdyq deıdi. Kelmeıdi eshkim»,- de di qala turǵyndarynyń biri Ilham Ikramov.
Al, mamandardyń sózinshe qatty jelden elektr jelileri úzilip, ony qosý birqatar qıyndyqtar týǵyzǵan. Qazir jylý berýdi qalypty jaǵdaıǵa keltirip jatyrmyz dep túsindiredi.
«Biz birinshi kezekte kópqabatty úılerdi, balabaqsha, mektepterdi qamtımyz. Odan keıin baryp jer úılerge baramyz. Kórgen jerlerdiń barlyǵyn bizdiń balalar baryp, ahaýlardy retke keltirip jatyr»,- deıdi qalanyń №5 jylý ortalyǵynyń bas ınjeneri Áshirhan Tóleý.
