Kentaýlyq ustazdyń úıinde álem kartasynan joıylyp ketken elderdiń aqshasy saqtaýly tur
Kentaýlyq ustazdyń úıinde álem kartasynan joıylyp ketken elderdiń aqshasy bar, dep habarlaıdy Kazinform.
Kentaý qalasynyń turǵyny Erlan Baımenov tıyn jınaýmen áýestenedi.
Stýdent kezden bastalǵan kollektsııaǵa degen qyzyǵýshylyǵy keıin hobbıine aınalǵan. Qazir úıinde 50 memlekettiń tıyndary saqtaýly tur.
Onyń ishinde GFR, GDR, SSSR jáne ıÝgoslavııa sekildi álem kartasynan joıylyp ketken elderdiń de aqshasy bar.
«Murat Tastanbekov degen aǵaıym birde tarıh sabaǵyna óziniń jınaǵan tıyndaryn alyp kelip tanystyrdy. Sodan bastap meniń de tıyn kollektsııasyn jınaýǵa degen qyzyǵýshylyǵym artty»,-deıdi ustaz.
Erlan kóbine tıyndardy jarnamalyq saıttardan satyp alady. Odan bólek, bazarlar men jaımalardyń qyzmetin tutynady.
Hobbıin biletin tanystary men týystary, dostary ózderinde bar sırek tıyndardy syılap ketetin kezderi kóp.
Qazir úıindegi kollektsııasy 5 keliden asady.
Onyń ishinde kóne tıyndarmen qatar sırek kezdesetin aqsha túrleri de bar.
«Uly Jeńistiń 70 jyldyǵyna oraı shyqqan 500 teńgelik bar. Jaqynda bir kúmis tıyn satyp aldym. Sondaı-aq, elimiz egemendigin alǵan jyldar ishinde quıylǵan tıyndar men jaryq kórgen aqshalardy kollektsııama qosym qoıdym»,-deıdi ol.
