Kentaýlyq kelinshek et satýshylardy 20 mıllınon teńgege aldap ketti

TÚRKІSTAN. KAZONFORM – Qazirgi tańda kúdiktiniń isi sotqa ótti.

Kúdikti kelinshek eki jyl buryn et satatyn dúkenniń ıesinen qaryzǵa jiliktep et alyp júrgen.

Al, aqysyn bólip tóleıtinin aıtyp sendiripti. Alaıda arada jyl ótse de ettiń aqshasy sol boıy qaıtpaı qalǵan. 

Kentaý qalalyq polıtsııa bóliminiń qyzmetkerleri alaıaqtyq qylmysyna qatysy bar 39 jastaǵy áıeldi qolǵa túsirdi.

- Tártip saqshylary jumyssyz turǵynnyń dál osyndaı alaıaqtyqqa qatysty 5 faktisin anyqtady. ıAǵnı, olardan da qaryzǵa jiliktep et alyp, aqshasyn tólemeı ketken. Aılasyn asyrǵan áıel etterdi bazarǵa aparyp tómen baǵada satyp, aqshasyn jeke bas paıdasyna jaratqan. Jábirlenýshilerge 20 mıllıon teńge shyǵyn keltirgen.

Qazirgi tańda kúdiktiniń isi sotqa ótti, - delingen Túrkistan oblysy polıtsııa departamentiniń baspasóz qyzmeti usynǵan aqparatta. 

Aıta keteıik, budan buryn Shymkentte qaryzyn qaıtara almaǵan turǵyndy bir top jigit sabap tastaǵanyn jazǵan bolatynbyz.