Kentaýǵa Túrkııadan delegattar keldi

KENTAÝ. QazAqparat – Túrkistan oblysy, Kentaý qalasynyń ákimi Daýren Mahajanov baýyrlas Túrkııa elinen kelgen professor, doktor, Q.A.ıAsaýı atyndaǵy Halyqaralyq qazaq-túrik ýnıversıtetiniń rektor ókili Jengız Tomar bastaǵan delegattardy qabyldady. Kezdesýde taraptar ekijaqty qarym-qatynastar men bilim júıesin damytý máselelerin talqylady, dep habarlaıdy QazAqparat tilshisi.

«Qazaqstan men Túrkııa baýyrlas aǵaıyndy el. Túrkistan oblysyna jaqyn ornalasqan Kentaý qalasynyń bolashaǵy zor. Sondyqtan eki el arasynda ózara tıimdi óndiristik, ınvestıtsııalyq yntymaqtastyqty arttyrý úshin úlken perspektıvalar bolatynyna senimdimin. Biz birlesken jobalardy iske asyrý úshin tolyq qoldaý kórsetýge daıynbyz»,- dedi qala basshysy.

Basqosýda bilim salasy da keńinen talqylandy. Taraptar tek joǵary oqý oryndarynda ǵana emes, orta bilim oshaqtaryna da bilikti mamandardy tartý máselesin sóz etti. Eki jaqty bilim júıesin damytý jaıy qamtyldy.

«Qazaqstan eli biz úshin ózge el bolyp sanalmaıdy, munda biz óz aǵaınymyzdyń elinde júrgendeı sezinemiz. Qazaqstan órkendep damyp jatsa, Túrkııa eli de damı túsedi degen sóz. Biz qaı salada bolmasyn, Qazaqstandyq aǵaıyndardy qoldaýǵa ázirmiz», - dedi rektor ókili Jengız Tomar.