Kentaýdaǵy ýnıversıtet bazasynda zamanaýı zerthanalar ashyldy
KENTAÝ. QazAqparat – Túrkistan oblysy, Kentaý qalasyndaǵy Q.A. ıAsaýı atyndaǵy HQTÝ-niń Kentaý ınstıtýtynyń bazasynda zamanaýı zerthanalar ashyldy. «Alageum Electric» holdıngtik kompanııasy demeýshilik etken joba boıynsha oqý ornynan Іlııas Qojabaev atyndaǵy «Smart Sensor Systems» jáne «Alageum Lab» atty zamanýı zerthanalar ornatylǵan, dep habarlaıdy QazAqparat tilshisi.
Inovatsııalyq júıedegi zamanaýı qurylǵylarmen jabdyqtalǵan qos zerthananyń jalpy quny 42 mln teńgeni quraıdy. Osyǵan oraı uıymdastyrylǵan saltanatty sharaǵa Q.A.ıAsaýı atyndaǵy HQTÝ-dyń rektory Bolatbek Abdrasılov, І- vıtse-prezıdent Jengız Tomar, Kentaý qalasynyń ákimi Dáýren Mahajanov jáne «Alageum Electric» kompanııasynyń basshysy Seıdýlla Qojabaev qatysyp, ozyq úlgidegi ǵylymı zerthana kabınetteriniń lentasy qıdy. Aıta keteıik, zerthana qurylymynyń maqsaty — elektroenergetıka, avtomtıka ǵylymdary men ınjenerııa bilim berý salasynda qazirgi zamanýı jáne óndiristik tájirıbege negizdelgen bilim bere otyryp, básekege qabiletti ınjenerlik mamandardy daıarlaý. Eki zerthanada stýdentterdi tórt baǵytta, ıaǵnı robototehnıka, aqparattyq júıeler, elektro-energetıka jáne avtomattandyrý mamandyqtary boıynsha bilim berý baǵdarlamasymen daıyndaıdy. Úsh kún teorııalyq sabaq alǵan stýdentter, KTZ zaýytyna baryp eki kún boıy tájirıbeden ótedi. Merekelik shara oqý orny jastarynyń daıyndaǵan kontsertik baǵdarlamasymen jalǵasty.
