Kentaýdaǵy saıabaqta kishkentaı qyzdy jylqy qaǵyp ketti
Oqıǵa 9 mamyr kúni bolǵan. Júrginshiler jolynda qatty jyldamdyqpen júrgen jylqy mingen adam kishkentaı qyzdy qaǵyp ketken. Kópshilik serýennen qaıtyp kele jatqan otbasy músheleri artynan kelgen jylqydan qashyp úlgermegen. Atalǵan oqıǵanyń vıdeosy áleýmettik jelide keńinen tarap ketti.
Al, Túrkistan oblysy polıtsııa departamentiniń baspasóz qyzmeti atalǵan jaǵdaıǵa baılanysty tekserý amaldary júrgizilip jatqanyn jetkizdi.
«Kentaý qalasy polıtsııa bólimine ortalyq aýrýhanadan habarlama kelip tústi. Onda saıabaqta ata-anasymen ketip bara jatqan kishkentaı qyzdy, jylqysyn ıgere almaı qalǵan turǵyn soǵyp, qulatyp ketkeni kórsetilgen. Atalǵan jaıt Kentaý qalalyq polıtsııa bólimine tirkeldi. Alaıda ákesi kishkentaı qyzynyń dene jaraqatyn almaǵanyna baılanysty aryz jazýdan bas tartqan. Qazirgi tańda tekserý amaldary júrgizilýde» - delingen aqparatta.
