Kentaýdaǵy kópqabatty úıler tabıǵı gazǵa aýystyrylady

TÚRKІSTAN. QazAqparat – Túrkistan oblysy, Kentaý qalasyndaǵy kópqabatty turǵyn úılerge gaz kirgizýge baǵyttalǵan aýqymdy jumystar bastalmaq. Osy baǵytta júzege asyrylatyn jumys barysy aımaq basshysy Ómirzaq Shókeevtiń Kentaý qalasyna jumys saparynda baıandaldy, dep habarlaıdy QazAqparat tilshisi.

Jalpy, qalada sý tazartý stantsııasyndaǵy sý tazartqyshqa nebári 3000 - 6000 kýb aralyqta sý jınalady. Tutynýshylar sanynyń artýyna baılanysty buryńǵy sý jınaǵysh rezervýardan bólek, 10 000 kýbqa deıin sý jınaıtyn jańa sý jınaǵysh rezervýaryn salýdy jáne «Aq bulaq» baǵdarlamasyna enbeı qalǵan jeke sektordaǵy úılerdi aýyzsýǵa qosý qajettiligi týyndaǵan. Bul maqsatta arnaıy qujattar ázirlenip, memlekettik saraptamaǵa daıyndalýda. Jumystar júzege asqan kezde qala turǵyndary tolyqqandy jańa sý qubyry arqyly aýyzsýmen qamtylatyn bolady.

Sapar barysynda óńir basshysy «HEVEL KAZAKHSTAN» JShS kún elektrstantsııasy qurylysynyń jumysymen tanysty. Shaharda júzege asyp jatqan tyń jobalarǵa qatysty jaýapty tulǵalarǵa naqty tapsyrmalar júktedi.

Sonymen birge, Ómirzaq Shókeev Kentaýdaǵy kópqabatty turǵyn úılerdiń aýlalaryn abattandyrý jumystarymen tanysty. Abattandyrý aıasynda aýlalarda oıyn alańshalary jańartylyp, sport alańdary salynyp jatyr.

Oblys ákimi sondaı-aq, kúrdeli jóndeý jumystary aıaqtalǵan «Jastar» saıabaǵynda boldy.

Shahardy turǵyndar úshin jaıly qalaǵa aınaldyrýǵa baǵyttalǵan bastamalarǵa oń baǵa berdi. Budan bólek, Túrkistan oblysynyń ákimi «Kentaý Transformator zaýytyna» bardy. Zaýyt basshylyǵy bir ýaqytta 6 adamnyń jumysyn atqara alatyn japondyq Yaskawa Motoman dánekerleýshi-robot jumysymen tanystyrdy. Robot dánekerleý sapasyn arttyrýǵa jáne kásiporynnyń ónimdiligin joǵarylatýǵa arnalǵan.