Kentaýdaǵy qoqystardan reseılikter mata shyǵarady
ShYMKENT. QazAqparat - Ońtústik Qazaqstan oblysy, Kentaý qalasynan shyǵatyn qoqystar óńdelip, Reseıge eksporttalýda. 25 adam turaqty jumyspen qamtylǵan zaýytta 1 saǵatta 300-500 keli, 1 aıda 80-100 tonna qoqys óńdeledi, dep habarlaıdy QazAqparat HAA tilshisi.
Jobalyq quny 100 mln teńgeni quraıtyn zaýyt jyl saıyn 800 myń tonna turmystyq qatty qaldyqty qaıta óńdeýge qaýqarly. Daıyn bolǵan qaldyqtar negizinen Reseıdiń Máskeý, Samara, Chelıabi jáne Ekaterınbor qalalaryna eksporttalady. Ol jaqta plastıkalyq ydystardyń qaldyqtaryn qaıta óńdeý arqyly taǵy plastıkalyq ydystar men mata shyǵarylady eken. Búginde kásiporynǵa qajetti turmystyq qatty qaldyq Ońtústik Qazaqstan oblysynyń túkpir-túkpirinen jáne Qyzylorda oblysynan jetkiziledi.
