Kentaýdaǵy kásiporyn alty aıda 100 mln. teńgeniń ónimin shyǵardy
ShYMKENT. QazAqparat - Ońtústik Qazaqstan oblysy, Kentaý qalasynda búginde kásipkerlerge memleket tarapynan jan-jaqty qoldaýlar kórsetilip keledi. Bıznes ókilderi jeńildetilgen nesıe men grantqa qol jetkizýde, dep habarlaıdy QazAqparat HAA tilshisi.
Sondaı-aq, aýdanda Indýstrııaldy aımaq qurylyp, onda «Bıznestiń jol kartasy 2020» baǵdarlamasy aıasynda kóptegen jobalar júzege asyrylyp jatyr. Osyndaı kásiporynnyń birin ótken jyly Memleket basshysy Nursultan Nazarbaev ındýstrııalandyrý jumystarynyń birinshi jartyjyldyqtaǵy qorytyndysyna arnalǵan jalpyulttyq telekópir barysynda iske qosqan bolatyn.
«ıÝgElektroPrıvod» zaýyty jyl basynan beri qarqyndy jumys istep, 96,9 mln. teńgeniń ónimin shyǵardy. Kásiporynda 3264 dana transformatorlarǵa jabdyqtaýshy qural-jabdyqtar, óshirgishter shyǵarylyp, saýdalandy.
Aıta keteıik, atalǵan zaýytta elimiz boıynsha analogy joq, transformatorlar úshin jańa ónim túrlerin (vakýýmdy ajyratqyshtar) shyǵarý óndirisi jolǵa qoıylǵan. Zaýyt qurylysyna 828 mln.teńge ınvestıtsııa tartylyp, qosymsha 50 jumys orny ashylǵan.
Jobany iske asyrýda memleket tarapynan ındýstrııaldy aımaq aýmaǵynan jer telimi bólinip, «Bıznestiń jol kartasy 2020» baǵdarlamasy boıynsha banktik nesıeniń paıyzdyq mólsherlemesine sýbsıdııa berildi. Qazirgi kezde kásiporyn transformatorlar óndirisi úshin qurastyrýshylardy (komplektýıýşıe) shyǵarýda.
