Kentaýdaǵy kafede jappaı ýlaný deregine qatysty qylmystyq is qozǵaldy

TÚRKІSTAN. QazAqparat - Túrkistan oblysyndaǵy Kentaý qalasynda oryn tepken kafeden jappaı ýlaný oqıǵasyna qatysty qylmystyq is qozǵaldy. Bul týraly ІІM málimdedi, dep habarlaıdy QazAqparat.

Atalǵan jaıt birden QR QK-niń 304-baby 1-bóligimen «Sanıtarııalyq qaǵıdalardy nemese gıgıenalyq normatıvterdi buzý» boıynsha tirkelip, qylmystyq is qozǵalǵan.

«Tártip saqshylary dámhana qyzmetkerlerinen, oqıǵa kýágerlerinen jaýaptar alyp, surastyrý jumystaryn jan-jaqty júrgizýde. Sanıtarlyq-epıdemıologııalyq baqylaý basqarmasynyń zerthana qyzmetkerlerimen saraptama júrgizý úshin jumystar atqarylýda. Dámhananyń barlyq taǵam túrleri alynyp, zertteýge jiberildi. Atalmysh tamaqtaný ornyndaǵy qyzmetkerlerdiń birqatarynda medıtsınalyq kitapsha bolmaı shyqty», - dep jazdy vedomstvo.

Qazirgi ýaqytta belgili bolǵany, Kentaý men Túrkistan qalasynyń aýrýhanalarynda 98 turǵyn, al úı jaǵdaıynda 70 turǵyn em qabyldaýda. Polıtseıler sotqa deıingi tergeý amaldaryn júrgizip jatyr.

Aıta keteıik, buǵan deıin Kentaýda 168 adamnyń astan ýlanyp qalǵany jaıynda jazǵan bolatynbyz.

Foto: t.me/POLICE_of_KZ