Kentaýdaǵy jol apatynan 6 adam qaıtys boldy
TÚRKІSTAN. KAZINFORM – Eki kóliktiń qatysýymen bolǵan jol apaty boıynsha tártip saqshylary tergeý júrgizip jatyr.
Oqıǵa búgin Kentaý-Túrkistan jol boıynda boldy. Kentaý qalasyna kire beris aýmaqta eki «Audi» kóligi soqtyǵysqan.
Aldyn ala málimetter boıynsha, jeńil kóliktiń biri qarsy jolaqqa shyǵyp ketip ekinshisimen soǵysqan. Apat saldarynan kólik órtenip, 6 adam qaıtys boldy. Al, 4 adam túrli dene jaraqattarymen Kentaý qalalyq ortalyq aýrýhanasyna jetkizildi.
- Qazirgi ýaqytta oqıǵanyń barlyq mán-jaıy anyqtalyp, sotqa deıingi tergeý amaldary júrgizilip jatyr. Onyń nátıjesimen protsestik sheshim qabyldanady. Túrkistan oblysynyń Polıtsııa departamenti júrgizýshilerdi jol erejesiniń talaptaryn saqtaýǵa, jyldamdyqty asyrmaýǵa jáne qarsy jolaqqa shyqpaýǵa shaqyrady. Joldarda abaı bolyńyzdar, - delingen Túrkistan oblysy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn jol apatynan qaza tapqan túrkistandyq donor 4 adamnyń ómirin uzartqanyn jazǵan bolatynbyz.