Kentaýda toıhanalar men bazarlar ortalyq jylý júıesinen ajyratylady
KENTAÝ. QazAqparat - Túrkistan oblysy, Kentaý qalasynda ortalyq jylý júıesine qosylǵan nysandar kóbeıgendikten kópqabatty turǵyn úılerdiń jylý sapasy nasharlaǵan. Bul týraly jylý ortalyǵynyń basshysy Ashat Abdrasılov málimdedi, dep habarlaıdy QazAqparat tilshisi.
Ashat Abdrasılovtyń sózinshe, endi sol nysandardyń eń iri degenderi shetinen jylýdan ajyratylady.
«Kommertsııalyq nysandardyń ıelerine aldymen eskertý jiberiledi. Jınalys ótkizip, túsindirme jumystaryn júrgizemiz. Toıhanalar men bazarlar ortalyq jylý júıesinen ajyratylady. Sodan keıin bir apta kóleminde jumystardy atqaratyn bolamyz»,– deıdi Kentaýdaǵy jylý ortalyǵynyń basshysy.
Qazir ortalyqqa shahardaǵy Rysqulov, Ýálıhanov, Ál-Farabı kóshelerindegi kópqabatty úılerdiń turǵyndarynan shaǵym túsken. Sebebi bul úılerdiń jylý júıeleri qosymsha nasosty qajet etedi. Endi sol qurylǵyny ornatý jumysy qolǵa alynbaq. Qalǵan kommertsııalyq nysandardy jylý júıesinen ajyratý kelesi jylý maýsymyna deıin júzege asyrylmaq. Óıtkeni ortalyqtyń kúshi barlyǵyn qamtýǵa jetkiliksiz. Aıta keteıik, jalpy qalada 348 kópqabaty úı, 2500-den asa jeke sektordaǵy úı, 441 kommertsııalyq nysan, 112 bıýdjettik mekeme jylý ortalyǵyna qosylǵan. Jalpy abonent sany 11738-di qurap otyr
