Kentaýda tótenshe jaǵdaı kezinde tártip saqshylaryna qarsylyq kórsetken turǵyn ustaldy
KENTAÝ. QazAqparat – Túrkistan oblysy, Kentaý qalasynyń polıtsııa qyzmetkerleri tótenshe jaǵdaı rejımi kezinde betperdesiz júrgen er adamdy toqtatqan. Tártip saqshylary polıtsııa bólimine júrýdi ótingen kezde, ol polıtsııa qyzmetkerlerine dene jaraqatyn salǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, tártip buzýshy bılik ókilderiniń zańdy talaptaryna baǵynbaǵan. Tipti kúsh qoldanyp, qarsylyq tanytqan. Bul kórinis «vatsap» messendjeri arqyly tarap ketken. Oqıǵa ornyna jetken Kentaý qalalyq polıtsııa bóliminiń jedel-tergeý toby kúdiktini qolǵa túsirdi. Tulǵasyn anyqtaý barysynda ustalǵan azamattyń buryn esirtki urlaǵany jáne saqtaǵany úshin sottalǵany belgili bolǵan.
«Atalǵan jaıt SDTTBT-ne QR QK-niń 380-babynyń 1-bóligimen «Bılik ókiline qatysty kúsh qoldaný« boıynsha tirkeldi. Qazirgi tańda osy bap boıynsha sotqa deıingi tergeý amaldary júrgizilýde. Kentaý qalalyq sotynyń sheshimimen kúdiktige qatysty úıde qamaýda ustaý túrindegi bultartpaý sharasy qoldanyldy», delingen habarlamada.
