Kentaýda stýdentterdiń saltanatty keshi ótti
KENTAÝ. QazAqparat – Túrkistan oblysy, Kentaý qalasynda Qazaq-Nemis polıtehnıkalyq kolledj jastaryna stýdenttik bılet tapsyrý keshi ótti. Atalmysh sharaǵa qala ákiminiń orynbasary Samat Rasul men «Kentaý transformator» AQ tóraǵasy Haırýlla Qojabekov, stýdentter men olardyń ata-analary jáne ustazdar qatysty, dep habarlaıdy QazAqparat tilshisi.
Sh.Qaldaıaqov atyndaǵy mádenıet saraıynda ótken saltanatty keshte qala ákiminiń orynbasary Samat Rasul kolledj tabaldyryǵyn attaǵaly otyrǵan stýdentterdi aıtýly merekemen quttyqtap, belsendi tálimgerlerge saltanatty túrde stýdenttik bıletterin tabys etti. Sondaı-aq «Kentaý transformator» AK tóraǵasy Haırýlla Qojabekov Qazaqstandaǵy biregeı oqý oryndarynyń biri bolyp sanalatyn kolledjdiń bilim sapasyna toqtalyp, úzdik túlekterin merekemen quttyqtady. Jastarǵa respýblıkalyq WorldSkiils konkýrsynyń jeńimpazdary men júldegerlerine baǵaly syılyqtardy tabystady. Sharanyń jalǵasy kolledj muǵalimderin ázirlegen mýzykalyq án keshimen jalǵasty.
