Kentaýda rámizder alańy salynyp jatyr

TÚRKІSTAN. QazAqparat - Kentaý qalasynda «Rámizder alańynyń» qurylysy júrip jatyr. Táýelsizdiktiń 30 jyldyǵyna tartý retinde qolǵa alynǵan ıgi is keler jyldyń naýryz aıynda aıaqtalady, dep habarlaıdy QazAqparat tilshisi.

Jýyrda jergilikti turǵyndar «Kóktóbe» dep atap ketken jerge 25 metr bıiktikke Memlekettik tý ornatyldy. Qazirgi kezde «Rámizder alańynyń» mańaıyna jaryqshamdar men oryndyqtar qoıylyp, kólik turaqtary ornalastyrylyp jatyr.
«Bul aımaqty jergilikti turǵyndar men qonaqtar kelip tamashalaıtyn mekenge aınaldyramyz degen josparymyz bar. Alańnyń aınalasynan kásipkerlik maqsatqa aýktsıon arqyly jer beriledi. Meıramhana, qonaq úı sekildi halyqqa qyzmet etetin nysandar boı kóteredi. Bul aımaq Kentaý qalasyn tóbeden kórip, tamashalaýǵa óte qolaıly jer», - deıdi qala ákiminiń orynbasary Qýanysh Iskakov.