Kentaýda órt saldarynan 20-dan astam adam zardap shekti

OQO TJD habarlaǵandaı, 13 maýsymda saǵat tańerteńgi tórtte kóp qabatty úıdi jalyn sharpydy. Tilsiz jaý tek saǵat tańǵy altyda aýyzdyqtaldy. «Órt saldarynan 4 adam jansaqtaý bólimine tústi, bir adam hırýrgııalyq bólimge jatqyzyldy, 16 adam medıtsınalyq kómek alyp úılerine qaıtty», - dep habarlady OQO TJD.

Zardap shekkenderdiń ishinde 12 bala bar ekenin atap ótken jón. 5 jáne 3 jastaǵy eki bala azdaǵan kúıiktermen palatada jatyr. Al dárigerler birneshe táýlikten beri eki adamnyń ómirin ajaldan aman alyp qalý úshin kúresýde. 67 jastaǵy áıel men onyń 8 jastaǵy nemeresi kúıik shalyp qana qoımaı, ıis tıgen. Ekeýi de es-tússiz jatyr, dep habarlady Kentaý qalalyq klınıkalyq aýrýhana dárigerleri.

Qutqarýshylar tilsiz jaýmen 2,5 saǵat alysty. Oǵan 41 qutqarýshy, AІІD 100 qyzmetkeri jumyldyryldy, 6 jedel járdem brıgadasy ázir turdy. Úsh páterden typ-tıpyl órtenip ketti. Jalyn 129 sharshy metrdi qamtydy.

Kentaý ákimdigi páterlerdi jóndeýge kómek berip, demeýshilerdi tartýǵa ýáde berdi. Oqıǵa ornynda arnaıy komıssııa jumys isteýde. Jalynnyń tutaný sebepteri anyqtalýda. Aldyn ala derekter boıynsha órt 3 qabattan bastalǵan.