Kentaýda mys-altyn aralas kontsentrat óndiretin zaýyt iske qosyldy

KENTAÝ. QazAqparat - Kentaý qalasynyń 64 jyldyǵyna oraı, «Kentaý polımetall» JShS ashylý saltanaty ótti, dep habarlaıdy QazAqparat óńirlik kommýnıkatsııalar qyzmetine silteme jasap.

Aıtýly sharaǵa Túrkistan oblysy ákiminiń orynbasary Meıirjan Myrzalıev, «Kentaý polımetall» JShS basshysy Dmıtrıı Kopchenko qatysty. Sondaı-aq, ardager kenshiler Qambar Seıitjanov pen Sherhan Ábilov ashylǵaly turǵan kásiporynnyń mańyzyna toqtalyp, izgi tilekterin bildirdi.

Sodan soń Túrkistan oblysy ákiminiń orynbasary Meıirjan Iıabaıuly, Kentaý qalasynyń ákimi Daýren Maqajanov, ardager kenshi Sherhan Abılov, kásiporyn basshysy Dmıtrıı Kopchenko zaýytty saltanatty túrde iske qosty.

Jobanyń maqsaty - bos turǵan ónerkásip ornynda tústi metall kenin baıytý keshenin uıymdastyrý jáne jańa jumys oryndaryn ashý. Osy maqsatqa jetý úshin 2016 jyldyń 10 jeltoqsanynda Kentaý qalasynyń ákimdigi, oblystyq Kásipkerler palatasy jáne ınvestıtsııalyq kompanııa arasynda 2 170 000 000 teńge somasyna úshjaqty memorandýmǵa qol qoıylǵan bolatyn. Búginde joba tolyq iske qosylyp otyr.