Kentaýda manıak júr jáne qoqys jáshiginen máıit tabyldy degen aqparat ótirik bolyp shyqty
TÚRKІSTAN. KAZINFORM — Polıtsııa beıtanys azamattyń qońyraýynan keıin Kentaýdaǵy kópqabatty úıdiń aýlasyn jáne mańaıdaǵy qoqys konteınerlerin tekserdi.
Áleýmettik jeliler men messendjerlerde Kentaý qalasynda máıit tabylǵany jáne qalada manıak paıda bolǵany týraly aýdıohabarlamalar men beınejazbalar tarady. Sonymen qatar «102» nómirine belgisiz azamat qońyraý shalyp, Kentaý qalasyndaǵy ıAsaýı dańǵylynda ornalasqan úıdiń aýlasyndaǵy qoqys konteınerinen adam denesi tabylǵanyn habarlaǵan.
Tergeý-jedel toby tolyq quramda dereý kórsetilgen mekenjaıǵa barǵan. Polıtsııa qyzmetkerleri aýmaqty jáne qoqys konteınerlerin tekserdi. Alaıda aqparat rastalmady.
— Qazirgi ýaqytta habarlamanyń qaıdan taraǵany jáne onyń taralý mán-jaılary anyqtalyp jatyr. Tekserý nátıjesi boıynsha zańnamaǵa sáıkes sheshim qabyldanady, — dep habarlady Túrkistan oblysy polıtsııa departamenti.
Quqyq qorǵaý organdary azamattardy tek resmı aqparat kózderine senýge, jalǵan málimetterdi taratpaýǵa shaqyrdy. Sondaı-aq jalǵan aqparat taratqany úshin qylmystyq jaýapkershilik qarastyrylǵanyn eske saldy.
Buǵan deıin Semeı turǵyny «órtten 18 adam qaza tapty» degen jalǵan aqparat taratqany úshin jazalanǵanyn jazǵan edik.
