Kentaýda qubyr jarylyp, birneshe kóshe sýsyz qaldy

KENTAÝ. QazAqparat - Kentaý qalasynyń ıAssaýı dańǵyly boıyndaǵy 500Q d/m qubyr jarylyp, 3 shaǵyn aýdan men 7 kóshede sý berý ýaqytsha toqtatyldy, dep habarlaıdy QazAqparat tilshisi.

Kentaý qalalyq ákimdiginiń málimetinshe, qazir «Balabúrgem», «Shuǵyla», «Juldyz» shaǵyn aýdandary men T. Aıbergenov, Selskıı, Metallýrg, B. Maılın, Ál-Farabı, Sh. Qudaıbergenov, ıAssaýı kóshelerinde sý ajyratylǵan. Al, qubyr jarylǵan kósheniń ortasy qazylyp, jóndeý jumystaryn júrip jatyr.

«Jedel atqarylyp jatqan jumystar barysyn qadaǵalaǵan qala ákimi aqaýdy múmkindiginshe jyldam retke keltirip, turǵyndarǵa sý berý jaǵyn tezdetýdi tapsyrdy. Jumys barysy tolyqtaı aıaqtalǵansha, qala turǵyndarynan sabyrlyq tanytyp, túsinistikpen qaraýlaryn suraımyz» delingen ákimdik habarlamasynda.

Eske sala ketsek, jýyrda Kentaý qalasyna alǵash ret gaz berilgen edi.