Kentaýda kóppáterli 2 turǵyn úı salynady
ASTANA. QazAqparat - Ońtústik Qazaqstan oblysyndaǵy Kentaý qalasynda 5 qabatty eki turǵyn úıdiń montajdaý jumystary bastaldy, dep habarlaıdy oblys ákiminiń baspasóz qyzmeti.
Turǵyn úılerdegi páter sany - 60. Onyń ishinde bir bólmeli - 10, eki bólmeli - 20 jáne úsh bólmeli - 30 páter bar. Kentaý qalalyq qurylys bólimi tapsyrysy boıynsha turǵyn úı qurylysyn júrgizý úshin memlekettik satyp alý elektrondy konkýrs nátıjesi boıynsha «Stroıservıs-XXI» JShS-y jeńimpaz atanǵan. Qazirgi tańda atalǵan eki nysanda ýaqytsha ǵımarattar ornatý, qorshaý, qudyq qazý jumystary jalǵasyp jatyr.
Bıyldyń ózinde qos nysanǵa 200 mln teńgeden qarjy bólinip, qurylys jumystaryn aıaqtaý 2018 jylǵa belgilenip otyr. Atalǵan nysandar «Óńirlerdi damytý - 2020» memlekettik baǵdarlamasy aıasynda boı kóteretin bolady.
