Kentaýda «Kitap kórme festıvali» ótti
ShYMKENT. QazAqparat - OQO Kentaý qalalyq bilim berý bólimine qarasty mektepteriniń kitaphanashylary men oqýshylary jáne Qazaq-túrik lıtseı oqýshylarynyń qatysýymen Qazaqstan Respýblıkasynyń Táýelsizdiginiń 25 jyldyǵyna arnalǵan «Kitap kórme festıvali» balalar shyǵarmashylyq úıinde ótkizildi, dep habarlaıdy qala ákimdiginiń baspasóz qyzmeti.
Kitap kórme festıvaliniń maqsaty: Qazaqstan Respýblıkasynyń táýlsizdikke jetken kezeńderin kórsetý, elge, jerge, degen súıispenshilikterin arttyrý, tarıhty baǵalaı alýǵa tárbıeleý, jastardyń patrıottyq sezimin oıatý.
Kitap kórme festıvali tómendegideı baǵdarlamalar boıynsha ótkizildi:
1. Sahnalaq kórinis: «Urpaqtyń umytylmas máńgi urany, jeltoqsan júrekterde jańǵyrady!» №3-№10 mektep oqýshylary.
2. Kitaptyń tusaýkeseri: «Elbasy jáne qazaq memlekettigi» № 24 mektep kitaphanashysy.
3. Baıandama: «Táýelsizdik - azattyǵym, baq kúnim» №1 mektep kitaphanashysy, oqýshylary.
4. N. Nazarbaevqa arnalǵan kitap kórmesi, bıblıografııalyq sholý: «Ǵasyrdyń ǵajap azamaty» №22-№16 mektep kitaphanashylary.
5. Mánerlep oqý saıysy: «Qazaqstan birlik pen tatýlyq mekeni» Qazaq-túrik lıtseı oqýshylary jáne №2-№5-№17-№19 mektep oqýshylary.
6. Úzdik oqyrman saıysy: «Táýelsizdigim - endigimniń belgisi» Qashqarı, Qarnaq, Shash-tóbe mektep oqýshylary.
7. «Máńgilik El - bizdiń uly Qazaqstan» kitap kórmesine bıblıografııalyq sholý №9-№12 jáne №23 mektep kitaphanashylary.
8. Intellektýaldyq oıyn: «Táýelsizdiktiń bilimdi urpaqtary» Qazaq-túrik lıtseıiniń oqýshylary.
Sońynda qalalyq bilim berý bóliminiń basshysy A.Aýelbekov pen lıtseı dırektory J.Ýshaqbaev úzdik oqyrmandardy marapattap, festıvaldi qorytyndylady.
