Kentaýda qatty jeldiń kesirinen bastaýysh synyp oqýshylary onlaın oqıtyn boldy

ASTANA. QazAqparat - Kentaý qalasyndaǵy barlyq bastaýysh synyp oqýshylary onlaın oqıtyn boldy, dep habarlaıdy oblystyq Adamı áleýetti damytý basqarmasynyń baspasóz qyzmeti.

«Jeldiń kúsheıýine baılanysty Kentaý qalasyndaǵy barlyq (23mektep) bastaýysh synyp oqýshylaryn onlaın oqytýǵa sheshim qabyldandy. Sondaı-aq, Saýran aýdanyndaǵy Shoqtas shaǵyn jınaqtalǵan bastaýysh mektebiniń oqýshylary da aýa raıynyń ózgerýine baılanysty onlaın bilim alýda» delingen habarlamada.
Buǵan deıin qalada mektep pen kolledjdiń shatyryn qatty jel ushyryp ketkenin habarlaǵan edik.