Kentaýda gaz ballony jarylyp, 14 jasar qyz zardap shekti
KENTAÝ. QazAqparat – Túrkistan oblysynda Kentaý qalasy mańyndaǵy jer úıde gaz ballony jarylyp, artynsha órt tutanǵan, dep habarlaıdy QazAqparat QR ІІM Tótenshe jaǵdaılar komıtetine silteme jasap.
Apat saldarynan 14 jasar qyzdy kúıik shalǵan.
«14 qazan kúni 11:16-da Túrkistan oblysynyń Kentaý qalasynan 20 shaqyrym jerdegi Júınek aýylynda ýaqytsha turý úshin salynǵan úıde gaz ballony jarylyp, 32 sharshy metrdi jalyn sharpydy», - delingen habarlamada.
Órt sóndirýshiler jalyndy 12:28-de óshirdi. 2005 jylǵy qyz kúıik shalyp aýrýhanaǵa jetkizildi.
Qolda bar derekke súıensek, apattyń sebebi – gaz ballony redýktorynda aqaý bolǵan.
Órtti sóndirýge oblystyq TJD 7 qyzmetkeri jáne 2 tehnıka jumyldyrylǵan.
