Kentaýda er adam kámeletke tolmaǵan qyzdy soqqyǵa jyqty

ASTANA. QazAqparat – 26 sáýir kúni saǵat 23:15 shamasynda Kentaý qalalyq polıtsııa bólimine aýrýhanadan kámeletke tolmaǵan qyz balanyń dene jaraqatymen túskeni týraly habar jetti, dep habarlaıdy QazAqparat Polisia.kz saıtyna silteme jasap.

Tekserý barysynda, ıaǵnı saǵat 20:30-dar shamasynda aýlada oınap júrgen qyzdy belgisiz bireý sebepsiz urǵany anyqtaldy. Oqıǵa bolǵan sátte túsirilgen beınejazba tabyldy. Onyń negizinde kúdiktiniń kim ekeni belgili boldy. Er adam polıtsııa bólimine jetkizildi. Ol buryn sottalǵan jergilikti turǵyn bolyp shyqty.

Atalǵan jaıt QR QK-niń 293-baby 1-bóligi «buzaqylyq» boıynsha tirkeldi.

Qazirgi ýaqytta qylmystyq quqyq buzýshylyq QR QK-niń 24-babynyń 3-bóligi, 120-babynyń 4-bóligi boıynsha qaıta saralandy. Kúdikti qamaýǵa alyndy. Oqıǵanyń tolyq mán-jaıy anyqtalýda.

«Birqatar saraptamalar taǵaıyndaldy. Kúdikti qamaýǵa alyndy. Oqıǵanyń tolyq mán-jaıy anyqtalýda. Jábirlenýshiniń jaǵdaıy birqalypty. Qylmystyq is Túrkistan oblysy Polıtsııa departamenti basshylyǵynyń baqylaýynda»,- delingen habarlamada.