Kentaýda buqaralyq velosherý ótti
ShYMKENT. QazAqparat - Kentaýda qala kúnine oraı velosherý ótti. Qalalyq sport jáne dene shynyqtyrý bólimi uıymdastyrǵan sharaǵa 150 -ge jýyq turǵyn qatysty, dep habarlaıdy QazAqparat HAA tilshisi.
Saıysqa qalanyń mektep oqýshylary, stýdentter, mekeme qyzmetkerleri men turǵyndar qatysty. Halyq arasynda salaýatty ómir saltyn qalyptastyrý men nashaqorlyqqa jáne esirtki bıznesine qarsy kúresti nasıhattaý maqsatynda uıymdastyrylǵan saıysqa qala ákimdigi men dene shynyqtyrý jáne sport bóliminiń basshylary arnaıy kelip, jarysqa qatysýshylarǵa sáttilik tiledi. Velojarys Hantaǵy aýylynyń ortalyq alańynan bastaý alyp, Kentaý qalasy "Yntymaq» alańyna deıin sozyldy. Jarys jolynyń qashyqtyǵy 7,2 shaqyrymdy qurady. Al sport mektepterinde tárbıelenetin jasóspirimder men jastar velosherýge qatysýshylarǵa qoldaý kórsetý maqsatynda Yntymaq alańyna jınaldy. 
Tartysty da, qyzyqty ótken bul jarysta birinshi jáne ekinshi oryndy aǵaly-inili Zahıtdınovtar, úshinshi oryndy Qazbek Ońqaı ıelendi. Jarys jeńimpazdaryn 30 qyrkúıek kúni qala kúnine oraı ótkiziletin mádenı is-sharada Kentaý qalasynyń ákimi Ábdibaqyt Maqulbaev marapattaıdy dep kútilýde. 
