Kentaýda bıshiler baıqaýy ótti
KENTAÝ. QazAqparat – Túrkistan oblysy, Kentaý qalasynda «Bıle, bıle» atty bıshiler baıqaýy bastaldy. Sh.Qaldaıaqov atyndaǵy mádenıet saraıynda uıymdastyrylǵan baıqaýǵa qatysýshylar qazaq ulttyq bılerin bıledi, dep habarlaıdy QazAqparat tilshisi.
«Rýhanı jańǵyrý» memlekettik baǵdarlamasy aıasynda uıymdastyrylǵan óner saıysy horeografııalyq ónerdi halyq bıleri arqyly nasıhattaý men mádenı murany damytý jáne saqtaý, Qazaqstanda turatyn halyqtardyń dástúrli mádenıetin jańǵyrtý men damytý, úzdik horeografııalyq ujymdardy anyqtaý men jastardy horeografııa ónerine tartý maqsatynda ótti. Sondaı–aq, qatysýshylardyń ózdiginen ónerlerin jetildirýge jáne shyǵarmashylyq jaǵynan ósýine jaǵdaı jasaý maqsatynda uıymdastyryldy. Eki kezeńnen turatyn baıqaýǵa kenshiler qalasy men oǵan qarasty aýyldardardan bı ujymdary qatysty. Baıqaýdyń birinshi bóliminde úmitkerler qazaqtyń sıýjetti, ıaǵnı mazmundy bıin oryndap, ónerlerin ortaǵa saldy. Kúrdeli oryndalatyn bı qımyldary da olardyń upaı sanyn arttyrary sózsiz. Ádilqazy alqalary jalpy upaı sanyn eseptep, bir ǵana kezeńde jeńimpaz atanbaıtynyn, kelesi kezeńde kóp upaı jınaýǵa múmkindik baryn eskertti. Bıshilerge ІІ-kezeńge arnaıy tapsyrmalar berdi. Onda qatysýshylar retro retro kezeńine saıahat jasaıtyn bolady. Bul saıys aldaǵy 25 qarashada ótedi dep josparlanǵan.
