Kentaýda «Bir juldyzy bolamyn men de elimniń» atty qamqorlyq aktsııasy ótti

Bul týraly qala ákimdiginiń baspasóz qyzmeti habarlaıdy.  Іs-sharanyń maqsaty úıde oqytyp tárbıelenetin oqýshylarǵa qoldaý jasaý arqyly ózindik tanymǵa degen qyzyǵýshylyqtaryn arttyrý, ómirge degen qulshynystaryn nyǵaıtý. Búgingi kún talaby boıynsha erekshe oqytýdy qajet etetin balalardy jan - jaqty bilimdi, bilikti urpaq etip tárbıeleý. Úıde oqyp tárbıelenetin oqýshylarǵa, ata - analaryna psıhologııalyq kómek kórsetý qajettigi de bar. Mundaı oqýshylardy mindetti túrde psıhologııalyq kómekpen demep otyrǵan abzal da mindetti is  bolýy qajet-aq. Óıtkeni, múmkindigi shekteýli balalar ózin qoǵamnyń tolyq múshesi retinde sanaı almaı, ishteı mújilýi de ábden múmkin. Sondyqtan, árqashan yntalandyryp, barynsha qatarǵa qosýdyń qamyn jasaý shart.

 Aıta ketken jón bul qamqorlaq jasaý aktsııasy barysynda bilim berý bólimine qarasty jalpy 20 mektepten úıde oqyp tárbıelenetin 116 oqýshy tolyqtaı qamtyldy. Oqýshylardy quttyqtaý rásimine qala ákiminiń orynbasary R.Myńbaev, máslıhat hatshysy T.Balabıev, aqsaqaldar tóraǵasy I.Jumabaev, «Ǵasyr» gazetiniń tilshisi R.Atabekqyzy kelip, ózderiniń júrekjardy tilekterin aıtyp, el Táýelsizdiginiń 25 jyldyǵymen quttyqtap, izgi tilekterin bildirdi.