Kentaýda áleýmettik kómek alýǵa kómektesem dep jurtty aldaǵan áıel ustaldy
KENTAÝ. QazAqparat – Túrkistan oblysynyń polıtseıleri áleýmettik kómek rásimdeýdi usynǵan alaıaq áıeldi ustady, dep habarlaıdy QazAqparat Polisia.kz saıtyna silteme jasap.
Kentaý qalasynyń polıtsııa qyzmetine jergilikti áıel kelip, syıaqy úshin áleýmettik kómek aqysyn rásimdeýge kómek usynǵan alaıaq áıelge aldanǵany týraly ótinish jazdy. Jábirlenýshiniń senimine kirip alǵan alaıaq odan 35 myń teńge alyp, izin jasyrǵan.
Atalǵan fakti Kentaý qalasyndaǵy PB Sot aldyndaǵy tergeýdiń biryńǵaı tizilimine QR Qylmystyq kodeksiniń 190-babymen («Alaıaqtyq») tirkelgen.
Kúdikti áıeldi ustaý maqsatymen polıtsııa bóliminde tergeý-jedel toby quryldy. Jedel-izdeý sharalarynyń nátıjesinde tártip saqshylary kúdiktini bir táýlik ishinde ustady. Ol buryn sottalmaǵan, qalanyń jumyssyz turǵyny bolyp shyqty.
Aldyn ala tergeý barysynda áıeldiń osyǵan uqsas taǵy bir alaıaqtyq faktisine qatysy bar ekeni anyqtalǵan. Sol kúni ol járdemaqy rásimdeýge kómektesem dep taǵy bir áıeldiń 35 myń teńgesin aldap alǵan.
Qazirgi kezde atalǵan faktilermen sot aldyndaǵy tergeý amaldary júrgizilýde. Kúdikti azamatsha kepil soma tólep, qamaýdan shyǵaryldy.
