Kentaýda 92 adam astan ýlandy: Dámhana qyzmetkerlerinen stafılokokk anyqtaldy

TÚRKІSTAN. QazAqparat – Kentaýda tutynýshylary fast-fýdtan ýlanǵan dámhananyń qyzmetkerlerinen salmonellez ben stafılokokk qozdyrǵyshy anyqtaldy, dep habarlaıdy QazAqparat tilshisi.

Túrkistan oblysynyń Sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, dámhanadaǵy 2 qyzmetkerden – salmonellez, 6 qyzmetkerden stafılokokk aýrýynyń qozdyrǵyshtary anyqtaldy. Sonymen qatar dámhanadan úıge áketilgen 3 chıken óniminen salmonellez tabylǵan.

Kentaý qalalyq aýrýhanasynyń bas dárigeri Asylbek Ýtebaev dámhanadaǵy astan ýlanyp, aýrýhanaǵa túsken naýqastardyń barlyǵy jazylyp, úılerine jiberilgenin jetkizdi. Degenmen, barshasy ýchaskelik dárigerlerdiń baqylaýynda bolady.

Aıta keteıik, Kentaý qalasynda ornalasqan «Rızyq-Raýany» fast-fýd ortalyǵynda tamaqtanǵan 92 adam ýlanyp qalǵan edi. Olardyń arasynda 14 jasqa tolmaǵan 40 jasóspirim, 3 júkti áıel bar. Atalǵan jaǵdaı boıynsha Kentaý qalalyq polıtsııa bólimi qylmystyq is qozǵap, sotqa deıingi tergep-tekserý júrgizip jatyr.

1 shilde kúni 17 turǵyn aýrýhanadan shyqty.

«Astan ýlaný dıagnozymen 92 adam dárigerge qaralǵan. Onyń ishinde 67 naýqas statsıonarda emdeldi. Al jeńil túrleri ambýlatorııalyq jaǵdaıda em qabyldap jatyr. Búgingi kúni 17 turǵynnyń jaǵdaıy jaqsaryp, aýrýhanadan shyqty. Qazirgi kezde jaǵdaıy aýyr naýqastar joq. Qoǵamdyq tamaqtaný ornynda tekserý júrgizilip, is sharalar atqarylýda», - dedi Kentaý qalalyq sanıtarııalyq-epıdemıologııalyq baqylaý basqarmasynyń basshysy Ǵazıza Egemberdıeva.