Kentaýda 5 jyl buryn qaraqshylyq shabýyl jasaǵandar ustaldy
ShYMKENT. QazAqparat - Ońtústik Qazaqstan oblysyndaǵy Kentaý qalasynda 5 jyl burynǵy qylmys ashyldy. Qaraqshylyq shabýyldy qazir Shymkenttegi túrmeniń birinde otyrǵan «N» esimdi sottalýshy sybaılastarymen birge jasaǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, atalǵan qylmys 2013 jyldyń sáýir aıynda Kentaý qalasynda jasalǵan. Betperde kıgen tórt qarýly adam jergilikti turǵyn úılerdiń biriniń terezesin buzyp ishke kirgen. Úı ıesiniń aıaq-qoldaryn skotchpen baılap tastap, uryp-soǵady. Sodan soń temir seıftegi 1 mıllıon teńge men altyn buıymdardy alyp ketken.
«Atalǵan jaıt boıynsha Kentaý qalalyq ІІB qyzmetkerleri jedel-izdestirý jumystaryn toqtaýsyz júrgizdi. Nátıjesinde Shymkent qalasyndaǵy jazany óteý mekemesinde qamaýda otyrǵan 1989 jylǵy «N» esimdi sottalýshynyń osy qylmysqa qatysy bar ekeni dáleldendi», delingen habarlamada.
Tergep-tekserý jumystary barysynda sottalýshy bul qylmysty jalǵyz istemegenin aıtqan. ıAǵnı ol qylmys áleminde «tentek Mýra», «Týtrın» laqap attarymen belgili buzaqylarmen birge jasaǵanyn málim etken. Polıtseıler bes jyldyń ishinde atalǵan tulǵalarǵa qatysty tıisti dálelderdi jınaqtaıdy. Tártip saqshylarynyń tergep-tekserý jumystary nátıjesinde osy jyldyń qańtar aıynda qylmyskerlerdiń kinási tolyq dáleldendi.
«Qazirgi tańda basqa qylmys jasaǵany úshin Semeı qalasyndaǵy jazasyn óteý mekemesinde qamaýda otyrǵan «tentek Mýra» Shymkent qalasyna aýystyrylyp, «Týtrın» Túrkistan qalasynan qamaýǵa alyndy. Kentaý qalalyq soty «tentek Mýrany» 20 jyl 6 aıǵa, «N» esimdi qylmyskerdi 12 jylǵa jáne «Týtrındi» 11 jylǵa bas bostandyǵynan aıyrý týraly úkim shyǵardy», delingen oblystyq ІІD baspasóz qyzmetiniń málimetinde.
