Kentaýda 3 jasar bala terezeden qulap ketti

TÚRKІSTAN. QazAqparat – Kentaýda 3 jasar qyz 4-qabattan qulap ketti, dep habarlaıdy QazAqparat tilshisi.

Oqıǵa 30 mamyr kúni keshkisin bolǵan. Tótenshe jaǵdaılar departamentine saǵat 18:10 shamasynda Kentaý qalasy, D. Qonaev dańǵyly boıyndaǵy 5 qabatty úıdiń 4-shi qabatyndaǵy terezeden kishkentaı bala qulaǵany týraly habarlama túsken.

«Úlkenderdiń qaraýynsyz qalǵan búldirshin baıqaýsyzda qulap ketken. Ol 2020 jyly týǵan. Qazir aýrýhanaǵa jatqyzyldy. Oqıǵa bolǵan sátte ata-analary úıde bolǵan. Barlyq ata-anaǵa balalardy nazardan tys qaldyrmaýdy eskertemiz!», - delingen Túrkistan oblysy TJD baspasóz qyzmeti taratqan aqparatta.