Kentaýda 168 adam astan ýlanyp qaldy

KENTAÝ. qazAqparat - Túrkistan oblysynda 168 adam astan ýlanyp, aýrýhanaǵa tústi. Olar 6-9 qazan aralyǵynda Kentaý qalasyndaǵy qoǵamdyq tamaqtandyrý oryndarynyń birinen tapsyryspen sýshı, pıtstsa, frı jáne chıken alǵan, dep habarlaıdy QazAqparat tilshisi.

Infektsııanyń naqty qandaı taǵamnan shyqqany ázirge belgisiz. Barlyq taǵamnan zerthanalyq synamalar alyndy. Qazir osy jáıtten keıin qoǵamdyq tamaqtaný orny ýaqytsha jabyldy. Polıtsııa tarapynan qylmystyq is qozǵalyp, sotqa deıingi tergep-tekserý amaldary júrgizilýde. Kentaý qalasynyń sanıtarlyq-epıdemıologııalyq baqylaý basqarmasy men polıtsııa bólimi atalǵan nysanǵa jospardan tys tekserý júrgizdi. Nátıjesinde kásipkerdiń qajetti sanıtarlyq qujattary men aspazdardyń medıtsınalyq tekserýden ótkeni týraly anyqtamalary joq bolyp shyqqan.

Aıta keteıik, bıylǵy aıynda dál osy dámhandan fast-fýd taǵamdaryn jegen 8 adam astan ýlanyp, aýrýhanaǵa túsken bolatyn.

«Jalpy 145 naýqas kelip tirkeldi. Onyń 98-i aýrýhanaǵa jatqyzyldy. 47 naýqas ambýlatorlyq deńgeıde tekserilýge jiberildi. Túrkistan qalasyna 31 naýqas jatqyzyldy. Kentaý qalasyna 67 naýqas jiberildi. Onyń ishinde 5 júkti áıel men 33 bala bar. Báriniń jaǵdaıy búgingi tańǵa ortasha aýyrlyqta. Búgin jaǵdaıy jaqsarǵan naýqastar úılerine jiberiledi», - deıdi Túrkistan oblystyq qoǵamdyq densaýlyq basqarmasy basshysynyń orynbasary Altyn Dosanova.