Kentaýda 12 mln teńge turatyn elektr jelisiniń bólshekterin urlaǵandar ustaldy
Kentaý qalalyq polıtsııa basqarmasyna jaryqpen qamtamasyz etetin mekemelerdiń biri belgisiz bireýlerdiń jol boıynda ornalasqan elektr baǵanasynyń jabdyqtaryn jymqyryp júrgenine shaǵymdanǵan
Jábirlenýshige keltirilgen shyǵyn kólemi 12 mıllıon teńgeni qurady. Atalǵan jaıtty kentaýlyq polıtseıler QR Qylmystyq Kodeksiniń 188-baby (Urlyq) boıynsha tirkep, jedel ýákilder toby oqıǵa bolǵan jerge bet aldy. Tártip saqshylary 10 kún boıy qylmyskerlerdi anyqtaý maqsatynda túrli izdestirý jumystaryn júrgizdi. Nátıjesinde polıtseıler kúdikti dep tanylǵan eki er adamnyń izine túsip, olardy polıtsııa bólimine jetkizildi.
Belgili bolǵandaı, kúdiktilerdiń bireýi Shymkent qalasynyń turǵyny bolsa, ekinshisi Túrkistan qalasynyń turǵyny. Sonymen qatar kentaýlyq polıtseıler kúdiktilerdiń jymqyrǵan elektr bólshekterin jarty baǵasyna satyp jibergenin anyqtady, odan túsken paıdanys ózderiniń qajettiligine jumsaǵan.
Búginde kúdiktiler óz kinásin tolyqtaı moıyndady. Polıtseıler kúdikti ekeýdiń sotty bolǵanyn anyqtady. Qazirgi tańda kúdiktilerge qatysty tergeý amaldary jalǵasýda.