Jylytý maýsymy 1 qarashada bastalýy kerek – Álıhan Smaıylov Kentaýǵa bardy
Túrkistan oblysyna jumys sapary barysynda Premer-Mınıstr Álıhan Smaıylov Kentaý qalasynyń JEO-syna baryp, ondaǵy jylytý maýsymyna daıyndyq jumystarynyń barysymen tanysty. Kazinform bul týraly primeminister.kz-ke silteme jasap habarlaıdy.
Kentaý Jylý elektr ortalyǵy 3 myńnan astam nysandy, onyń ishinde kópqabatty jáne jer úılerdi, kommertsııalyq jáne bıýdjettik uıymdardy jylýmen jáne elektr energııasymen qamtamasyz etedi. Qazirgi ýaqytta mundaǵy 6 qazandyqqa sońǵy 10 jylda birinshi ret kúrdeli jóndeý jumystary júrgizilip otyr.
«Búgingi tańda 4 qazandyq tolyǵymen daıyn. Qalada jylytý maýsymy jospar boıynsha 1 qarashadan bastalýy kerek. Sonymen qatar qosymsha 2 qazandyq kúrdeli jóndeýden ótedi, bul da JEO jumysynyń turaqtylyǵyn qamtamasyz etýge septigin tıgizedi», — dedi Álıhan Smaıylov.
Premer-Mınıstr oblys ákimdigine jylytý maýsymy qalypty ótýi úshin jabdyqtardyń barlyǵyn jedel jáne sapaly túrde iske qosa otyryp, tekserý jumystaryn júrgizýdi tapsyrdy.
Eske salaıyq, búgin Álıhan Smaıylov Túrkistan oblysyna jumys saparymen bardy.