Kentaý-Túrkistan tas jolynda 4 avtokólik soqtyǵysyp, eki adam qaza tapty
TÚRKІSTAN. QazAqparat - Kentaý-Túrkistan tas jolynda tórt avtokólik soqtyǵysyp, eki adam kóz jumdy, – dep habarlaıdy Polisia.kz.
30 maýsymda Túrkistan oblysy aýmaǵynda tórt avtokólik soqtyǵysty.
Jol apaty bolǵan jerge birden tártip saqshylary shyqty.
Polıtseılerdiń anyqtaýy boıynsha, Kentaý-Túrkistan tas jolynda Lexus, Volkswagen, Daewoo jáne VAZ kólikteri soqtyǵysqan. Jol kólik oqıǵasynyń saldarynan Daewoo kóliginiń júrgizýshisi jáne bir jolaýshysy oqıǵa ornynda kóz jumdy. Osy kóliktiń taǵy da eki jolaýshysy túrli dene jaraqattarymen Kentaý qalasynyń aýrýhanasyna jetkizildi.
Oqıǵa ornynda anyqtaýshylar men krımınalıster jumys istep jatyr. Atalǵan jaıt boıynsha QR QK-niń 345-baby 4-bóligimen sotqa deıingi tergeý amaldary bastaldy. Tolyq mán-jaı tergeý barysynda anyqtalady.
