Kentaý turǵynyn birneshe avtokólikpen kelgen buzaqylar úıinde uryp-soqqan
KENTAÝ. QazAqparat – Túrkistan oblysynyń Kentaý qalasynda buzaqylar jergilikti turǵyndy úıine kelip uryp-soqqan, onyń týystary da zardap shekken, dep habarlaıdy QazAqparat tilshisi.
Buzaqylar úıge jáne kórshilerdiń aýlasyna tas laqtyryp, sodan keıin kólikterine otyryp qashyp ketken.
Oblystyq PD baspasóz qyzmetiniń málimetinshe, aýyldastarynan taıaq jegen jábirlenýshi polıtsııaǵa aryzdanǵan. Ol túngi saǵat 01:00 ózin jáne týystaryn uryp-soqqanyn aıtyp shaǵymdanǵan.
Oqıǵa ornyna shuǵyl Túrkistan oblysy PD basshylyǵy bastaǵan jedel-tergeý toby baryp, bolǵan jáıttiń mán-jaıyn anyqtaǵan. Polıtseıler júrgizgen jedel-tergeý is-sharasy barysynda bir aýyldaǵy eki kóshe turǵyndarynyń arasynda túsinbeýshilik oryn alyp, janjal bastalǵany belgili bolǵan.
Arada biraz ýaqyt ótken soń, jábirlenýshiniń úıine belgisiz bireýler birneshe avtokólikpen kelip, olarǵa qaraı tas laqtyrǵan. Saldarynan jábirlenýshiniń 3 týysy jaraqat alyp, olarǵa medıtsınalyq kómek kórsetilgen.
«Іzdestirý nátıjesinde jedel ýákilder 4 kúdiktini anyqtap, ustady. Oqıǵanyń anyq-qanyǵy sotqa deıingi tergeý barysynda anyqtalady» delingen habarlamada.
