Kentaý turǵyny Reseıden jumys taýyp berem dep 15 adamdy aldap soqqan
KENTAÝ. QazAqparat - Túrkistan oblysyna qarasty Kentaý qalasynyń turǵyny Reseıde jumysqa turǵyzamyn dep 15 adamdy aldap soqqan. Kúdikti osylaısha aldanǵan turǵyndarǵa 1,5 mln teńgeden astam shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, kúdiktini ustaýǵa jergilikti turǵyndardyń aryzy negiz bolǵan. Olar belgisiz bireýdiń Reseı Federatsııasyna aparyp, jumyspen qamtýǵa kómek beremin dep ýáde etkenin aıtqan. Sóıtip 50-100 myń teńge aralyǵynda aqsha alyp, artynsha izin sýytqan. Osy qylmysty ashý maqsatynda Kentaý qalasynyń PB qyzmetkerleri jedel-tergeý is-sharasyn júrgizdi.
«Jábirlenýshiniń aıtýymen qurastyrylyp jasalǵan fotorobot negizinde jedel ýákilder alaıaqtyń izine tústi. Jedel-izdestirý is-sharasy nátıjesinde kúdikti ustalyp, polıtsııa bólimine jetkizildi. Ol jergilikti turǵyn bolyp shyqty. Osy jaıt boıynsha QR QK 190-baby «Alaıaqtyq» babymen sotqa deıingi tergeý amaldary júrgizilip, jınaqtalǵan is aıyptaý aktisimen birge sotqa joldandy» delingen habarlamada.
