Kentaý turǵyny memlekettik qoldaýdyń arqasynda shulyq shyǵaratyn tseh ashty
TÚRKІSTAN. QazAqparat - Túrkistan oblysy Kentaý qalasynyń turǵyny Álisher Ermetuly Qarnaq aýylynan «QARNAQ TEXTILE» dep atalatyn tsehty iske qosty, dep habarlaıdy QazAqparat Túrkistan oblysynyń óńirlik kommýnıkatsııalar qyzmetine silteme jasap.
Búginde kásiporyn ártúrli jyl mezgiline arnalǵan shulyqtyń 20-ǵa jýyq túrin jasap daıyndap, satylymǵa shyǵarýda. Jaqynda ǵana jumysyn bastaǵan tseh ázirge kúnine 200 dana shulyq shyǵarady.
Kásipker memlekettik baǵdarlamanyń kómegimen 4 mln. teńge jeńildetilgen nesıege qol jetkizip, sol qarjyǵa Qytaı elinen sońǵy úlgidegi shulyq daıyndaıtyn qurylǵy satyp alǵan. Qazirgi tańda, daıyn ónimdi Kentaý, Túrkistan bazarlaryna shyǵarýda.
Kásipker naryqta taýarǵa degen suranystyń joǵary ekenin aıtady. Sondaı-aq, ónimge qajetti shıkizat shet memleketten tapsyryspen jetkiziletinin jasyrmady. Aldaǵy ýaqytta mekemeniń aýqymyn keńeıtip, qajetti zattardyń barlyǵyn ózderi daıyndap shyǵarýdy josparlap otyr.
Odan bólek, tseh basshysy jylyjaı sharýashylyǵyn da qatar damytyp otyr. Kásipker negizinen qııar men qyzanaq egýmen aınalysady. Kóktem aılarynda 20 tonnaǵa jýyq qııar óndirgen sharýa, kúz mezgilinde de osy shamada qyzynaq ónimin alýdy josparlap otyr.
